വാഷിങ്ടണ്: ഹാര്വാര്ഡ് സര്വകലാശാലയ്ക്ക് കൂടുതല് നിയന്ത്രണങ്ങളുമായി ട്രംപ് ഭരണകൂടം. വിദേശ വിദ്യാര്ത്ഥികള്ക്ക് പ്രവേശനം നല്കുന്നത് തടയാനുള്ള നീക്കമാണ് സര്വകലാശാലയ്ക്കെതിരെ പുതിയതായി ഏര്പ്പെടുത്താന് പോകുന്നത്. വൈറ്റ് ഹൗസ് ഉത്തരവിട്ട പുതിയ നയമാറ്റങ്ങള് അംഗീകരിക്കാന് വിസമ്മതിച്ചതിനു പിന്നാലെ കടുത്ത നിയന്ത്രണങ്ങളാണ് ട്രംപ്ഭരണകൂടം ഹാര്വാര്ഡ് സര്വകലാശാലയ്ക്കെതിരെ കൊണ്ടുവന്നത്. നിര്ദേശങ്ങള് പാലിച്ചില്ലെങ്കില് ഹാര്വാര്ഡിന്റെ നികുതിയിളവ് പദവി പിന്വലിക്കുമെന്നായിരുന്നു ട്രംപിന്റെ ഭീഷണി. പിന്നാലെ 2.2 ബില്യണ് ഡോളറിന്റെ ഫെഡറല് ഫണ്ടിങ് മരവിപ്പിക്കുകയും ചെയ്തിരുന്നു. ഇതിന്റെ തുടര്ച്ചയായാണ് അടുത്ത ഭീഷണി. സര്വകലാശാലയിലെ വിദ്യാര്ത്ഥികളുടെ നിയമ ലംഘനങ്ങളുടെയും വിദ്യാര്ത്ഥികളുള്പ്പെട്ട അക്രമസംഭവങ്ങളുടെയും വിവരങ്ങള് ഏപ്രില് 30-നകം നല്കണമെന്നാണ് നിര്ദ്ദേശം.
ഇതിന് തയ്യാറല്ലെങ്കില് വിദേശ വിദ്യാര്ത്ഥികള്ക്ക് സര്വകലാശാലയില് പ്രവേശനം നല്കാന് അനുവാദമുണ്ടാകില്ലെന്നും ഹോം ലാന്ഡ് സെക്യൂരിറ്റി സെക്രട്ടറി ക്രിസ്റ്റി നോം അയച്ച കത്തില് പറയുന്നു. പലസ്തിന് അനുകൂല പ്രക്ഷോഭങ്ങളുടെ പേരില് സര്വകലാശാലകള്ക്കെതിരെ ട്രംപ് ഭരണകൂടം നടപടികള് സ്വീകരിച്ചിരുന്നു. സര്ക്കാര് മുന്നോട്ടുവച്ച ചില ആവശ്യങ്ങള് ജൂതവിരുദ്ധതയെ ചെറുക്കാന് ലക്ഷ്യമിട്ടുള്ളതാണെങ്കിലും ഹാര്വാര്ഡിലെ ബൗദ്ധിക സാഹചര്യങ്ങളുടെ നേരിട്ടുള്ള സര്ക്കാര് നിയന്ത്രണമാണ് ലക്ഷ്യമിടുന്നതെന്ന് ചൂണ്ടിക്കാട്ടിയാണ് സര്വകലാശാല നിര്ദേശങ്ങള് നിരസിച്ചത്. സര്വകലാശാല അതിന്റെ സ്വാതന്ത്ര്യമോ ഭരണഘടനാപരമായ അവകാശങ്ങളോ ഉപേക്ഷിക്കാന് തയ്യാറല്ലെന്നും ഹാര്വാര്ഡ് പ്രസിഡന്റ് അലന് ഗാര്ബര് വ്യക്തമാക്കിയിരുന്നു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
