ചെന്നൈ : ട്രെയിനിലെ ടോയ്ലറ്റില് കയറിയ പെണ്കുട്ടിയുടെ ദൃശ്യങ്ങള് മൊബൈല്ഫോണില് പകര്ത്തിയ ടിക്കറ്റ് എക്സാമിനര് അറസ്റ്റില്. സേലം സൂരമംഗലം എസ്. മേഘനാഥനെ (26) ആണ് അറസ്റ്റ് ചെയ്തത്.
കോയമ്പത്തൂരിലെ എന്ജിനീയറിങ് കോളജ് വിദ്യാര്ത്ഥിനി വ്യാഴാഴ്ച രാവിലെ ട്രെയിനില് ചെന്നൈയിലേക്ക് പോകവെയാണ് സംഭവം. ടോയ്ലറ്റ് ഉപയോഗിക്കവേ ജനല് വഴി ഒരാളുടെ കൈയില് മൊബൈല്ഫോണ് കണ്ടതോടെ പുറത്തേക്കിറങ്ങി. പ്രതിയെ സഹയാത്രികരുമായി ചേര്ന്ന് പിടികൂടി തൊട്ടടുത്ത അറകോണം റെയില്വേ പോലീസില് ഏല്പ്പിക്കുകയായിരുന്നു. ടി.ടി.ഇയില് നിന്ന് കണ്ടെടുത്ത മൊബൈലില് പെണ്കുട്ടിയുടെ ചിത്രങ്ങള് ഉണ്ടായിരുന്നു. ട്രെയിനിന്റെ ഫുട്ട്ബോര്ഡില്നിന്നാണ് ഇയാള് ഫോട്ടോ എടുത്തത്.