ചെന്നൈ: വമ്പന് പ്രഖ്യാപനങ്ങളുമായി ടിവികെ സര്ക്കാറിന്റെ ആദ്യ ബജറ്റ്. നിരവധി ജനപ്രിയ പ്രഖ്യാപനങ്ങള് ബജറ്റില് ഇടംപിടിച്ചിട്ടുണ്ട്. നവവധുവിന് ഒരു പവന് സ്വര്ണവും പട്ടുസാരിയും നല്കുന്ന പദ്ധതിയാണ് ശ്രദ്ധേയ പ്രഖ്യാപനം. ഇതിനൊപ്പം തമിഴ്നാട്ടിലെ സര്ക്കാര് ആശുപത്രികളില് ജനിക്കുന്ന കുട്ടികള്ക്ക് ഒരു ഗ്രാം മോതിരം നല്കുന്ന പദ്ധതിയും ബജറ്റില് പ്രഖ്യാപിച്ചു. നവവധുവിന് ഒരു പവന് സ്വര്ണം നല്കുന്ന പദ്ധതിക്കായി 812 കോടി രുപ ബജറ്റില് വകയിരുത്തുകയാണെന്ന് ധനമന്ത്രി മാരി വില്സണ് പറഞ്ഞു. കുട്ടികള്ക്കുള്ള മോതിരം പദ്ധതിക്കായി 560 കോടി രൂപയാണ് വകയിരുത്തുക.
കോളജ് വിദ്യാര്ഥികള്ക്ക് ലാപ്ടോപ്പും സ്കൂള് വിദ്യാര്ഥികള്ക്ക് സൈക്കിളും നല്കുന്ന പദ്ധതിയും പ്രഖ്യാപിച്ചു. ലാപ്ടോപ്പ് പദ്ധതിക്കായി 2,000 കോടിയും സ്കൂള് വിദ്യാര്ഥികള്ക്ക് ലാപ്ടോപ്പ് നല്കുന്ന പദ്ധതിക്കായി ഏകദേശം 700 കോടിയും ബജറ്റില് വകയിരുത്തിയിട്ടുണ്ട്. തമിഴ്നാടിലെ 1.5 ട്രില്യണ് ഡോളര് സമ്പദ്വ്യവസ്ഥയാക്കുമെന്ന ലക്ഷ്യമാണ് ബജറ്റ് മുന്നോട്ടുവെക്കുന്നത്. 2036നകം ട്രില്യണ് സമ്പദ്വ്യവസ്ഥയാക്കി തമിഴ്നാടിനെ മാറ്റുകയാണ് ബജറ്റ് ലക്ഷ്യമിടുന്നത്. ഉദയനിധി സ്റ്റാലിന്റെ അറസ്റ്റിന് പിന്നാലെയുണ്ടായ രാഷ്ട്രീയ വിവാദങ്ങള്ക്കിടെയാണ് തമിഴ്നാട്ടില് ബജറ്റ് അവതരിപ്പിച്ചത്.
