തിരുവനന്തപുരം: തിരുവനന്തപുരം വിമാനത്താവളം അദാനി ഗ്രൂപ്പിന് കൈമാറുന്നതിനെതിരെ സംസ്ഥാന സര്ക്കാര് സുപ്രീംകോടതിയില്. ടെന്ഡര് നടപടികളില് ക്രമക്കേടുണ്ടെന്ന് സര്ക്കാര് കോടതിയില് അറിയിച്ചു.
വിമാനത്താവള നടത്തിപ്പ് കൈമാറുന്നതില് പൊതുതാത്പര്യം പരിഗണിച്ചില്ലെന്നും നടപടി ഫെഡറല് തത്വങ്ങള്ക്ക് എതിരാണെന്നും സര്ക്കാര് കോടതിയില് വ്യക്തമാക്കി. അദാനി ഗ്രൂപ്പിന് കൈമാറാനുള്ള തീരുമാനം സ്റ്റേ ചെയ്യണമെന്നും സര്ക്കാര് അപ്പീലില് ആവശ്യപ്പെട്ടു.
നേരത്തെ, വിമാനത്താവളം നടത്തിപ്പ് അദാനി ഗ്രൂപ്പിന് നല്കിയത് ചോദ്യം ചെയ്ത് സര്ക്കാര് നല്കിയ ഹര്ജി ഹൈക്കോടതി തള്ളിയിരുന്നു. ഇതിനു പിന്നാലെയാണ് സര്ക്കാര് സുപ്രീംകോടതിയെ സമീപിച്ചത്.
