തിരുവനന്തപുരം : മെഡിക്കല് കോളേജിലെ മുന് സുരക്ഷാ ജീവനക്കാരന് ആത്മഹത്യ ചെയ്തു. മണ്ണന്തല സ്വദേശി ജിന്സ് ജോസഫാണ് ആത്മഹത്യ ചെയ്തത്. തിരുവനന്തപുരം മെഡിക്കല് കോളേജിലെ സുരക്ഷാ ജീവനക്കാരനായിരുന്ന ജിന്സിനെ ഏതാനും നാളുകള്ക്ക് മുമ്പ് പിരിച്ചു വിട്ടിരുന്നു. എന് എച്ച് എം വഴിയായിരുന്നു ജിന്സിന്റെ നിയമനം.
എന്നാല് ജിന്സിന് ലഭിക്കേണ്ടിയിരുന്ന പല ആനുകൂല്യങ്ങളും നല്കിയിരുന്നില്ലെന്ന് സുഹൃത്തുക്കള് പറഞ്ഞു. ഇതിനെതിരെ ജിന്സ് പലതവണ പരാതിപ്പെട്ടിട്ടും നടപടിയൊന്നും ഉണ്ടായില്ലെന്നും ആരോപണം ഉണ്ട്. കടുത്ത സാമ്പത്തിക പ്രതിസന്ധിയെ തുടര്ന്നാണ് ജിന്സ് ആത്മഹത്യ ചെയ്തതെന്നാണ് സുഹൃത്തുക്കള് ആരോപിക്കുന്നത്.
