ചെറുതോണി: 4 കിലോ കഞ്ചാവുമായി സിപിഎം ബ്രാഞ്ച് സെക്രട്ടറിയടക്കം രണ്ട് പേര് പിടിയില്. ഇടുക്കിയിലെ ചെറുതോണിയില് വില്പ്പനക്കായി സൂക്ഷിച്ച കഞ്ചാവുമായാണ് ഇവരെ പോലീസ് പിടികൂടി. മുരിക്കാശേരി ചിന്നാര്നിരപ്പ് പുല്ലാട്ട് സിബി (57), അമ്പാട്ട് ഷിന്റോ എന്നിവരാണ് പിടിയിലായത്. പുല്ലാട്ട് സിബി സിപിഎം ബ്രാഞ്ച് സെക്രട്ടറിയാണെന്നാണ് വിവരം. ഇടുക്കി ജില്ല പോലീസ് മേധാവിയുടെ നേതൃത്വത്തിലുള്ള സംഘമാണ് ഇവരെ പിടികൂടിയത്. കഞ്ചാവുമായി ചിന്നാര് ബസ്റ്റോപ്പില് സംശയകരമായി നില്ക്കുന്ന പ്രതികളെ പോലീസ് പിടികൂടുകയായിരുന്നു.
ജില്ലാ പോലീസ് മേധാവിയുടെ ടീം മുരിക്കാശേരി പൊലീസുമായി ചേര്ന്നു നടത്തിയ പരിശോധനയിലാണ് ഇവര് കുടുങ്ങിയത്. ഇവരുടെ കയ്യിലിരുന്ന ബാഗില് നിന്നാണ് ഉണക്കി സൂക്ഷിച്ചിരുന്ന കഞ്ചാവു കണ്ടെടുത്തത്. മുരിക്കാശ്ശേരി എസ്എച്ച്ഒ എന്.എസ്.റോയി, എസ്ഐ സി.ടി.ജിജി എന്നിവരുടെ നേതൃത്വത്തിലാണു പ്രതികളെ പിടികൂടിയത്. ഇടുക്കിയില് മാഫിയ സജീവമെന്ന തിരിച്ചറിവിലായിരുന്നു പോലീസ് നീക്കം. ബസ് സ്റ്റോപ്പില് നില്ക്കുകയായിരുന്നു പ്രതികള് പോലീസിനെ കണ്ട് ഓടി രക്ഷപ്പെടാനും ശ്രമിച്ചു.