കോഴിക്കോട് : അഴിയൂര് ചുങ്കം ബീച്ചില് രണ്ടുപേര് വൈദ്യുതാഘാതമേറ്റു മരിച്ചു. കീരിത്തോട് നെല്ലോളി ഇര്ഫാന് (30 ), അയല്വാസിയായ സഹല് (10 )എന്നിവരാണ് മരിച്ചത്. ഇന്ന് രാവിലെ 10.45നാണ് അപകടം ഉണ്ടായത്. വീടിനു സമീപത്തെ വെള്ളക്കെട്ടില് നിന്നാണ് ഇരുവര്ക്കും ഷോക്കേറ്റത്.
വൈദ്യുത ലൈന് പൊട്ടിവീണതറിയാതെ തോട്ടിലിറങ്ങിയ സഹലിനാണ് ആദ്യം ഷോക്കേറ്റത്. സഹലിനെ രക്ഷിക്കാന് ശ്രമിക്കുന്നതിനിടയിലാണ് ഇർഫാന് ഷോക്കേല്ക്കുന്നത്. മാഹി ആശുപത്രിയിലേക്ക് വേഗം തന്നെ ഇരുവരെയും എത്തിച്ചുവെങ്കിലും ജീവന് രക്ഷിക്കാന് കഴിഞ്ഞില്ല. കെ.എസ്.ഇ.ബി അധികൃതര് ഇതുമായി ബന്ധപെട്ടു മറുപടി പറയാതെ ഒഴിഞ്ഞു മാറുകയാണ്.