തളിപ്പറമ്പ് : പരിയാരം പനങ്ങാട്ടൂരില് യു.ഡി.എഫ് സ്ഥാനാര്ഥികളെ തടഞ്ഞതിന് സി.പി.എം പ്രവര്ത്തകര്ക്കെതിരെ കേസ്. തളിപ്പറമ്പ് ബ്ലോക്ക് പഞ്ചായത്ത് കുറ്റ്യേരി ഡിവിഷന് യു.ഡി.എഫ് സ്ഥാനാര്ഥി പി. സുഖദേവന് ജില്ല പോലീസ് മേധാവിക്കും തളിപ്പറമ്പ് ഡിവൈ.എസ്പിക്കും നല്കിയ പരാതിയെ തുടര്ന്നാണ് തളിപ്പറമ്പ് പോലീസ് കേസെടുത്തത്. തിങ്കളാഴ്ച ഉച്ചയോടെ പരിയാരം പനങ്ങാട്ടൂര് മോലോം ഭാഗത്താണ് സംഭവം.
സുഖദേവനും പരിയാരം ഗ്രാമപഞ്ചായത്ത് ചെറിയൂര് വാര്ഡ് യു.ഡി.എഫ് സ്ഥാനാര്ഥി പി.വി. ശ്രീജയും വോട്ടഭ്യര്ഥിക്കുന്നതിനിടെ സി.പി.എം പ്രവര്ത്തകര് തടഞ്ഞുവെന്നാണ് പരാതി. സ്ഥാനാര്ഥികള്ക്കൊപ്പം കുറ്റ്യേരി മണ്ഡലം കോണ്ഗ്രസ് വൈസ് പ്രസിഡന്റ് കെ.വി. പ്രേമരാജനും ഉണ്ടായിരുന്നു. ഇവരെ സി.പി.എം പ്രവര്ത്തകരായ പനങ്ങാട്ടൂരിലെ സി.വി. ശ്രീകേഷ്, എന്.കെ. റിജു, പി. സജിത്ത് എന്നിവര് തടയുകയും ഭീഷണിപ്പെടുത്തുകയും ചെയ്തുവെന്നാണ് പരാതി.
