പത്തനംതിട്ട : യു.ഡി.എഫ് സ്ഥാനാർത്ഥികളുടെ തിരഞ്ഞെടുപ്പ് പ്രചരണ പരിപാടികൾക്കായി പ്രതിപക്ഷ നേതാവ് വി.ഡി സതീശൻ പത്തനംതിട്ട ജില്ലയിൽ പര്യടനം നടത്തുമെന്ന് ഡി.സി.സി സംഘടനാ കാര്യ ജനറൽ സെക്രട്ടറിയും തിരഞ്ഞെടുപ്പ് പ്രചരണ പരിപാടി ജില്ലാ കോർഡിനേറ്ററുമായ സാമുവൽ കിഴക്കുപുറം പറഞ്ഞു. 2 – ന് രാവിലെ 10.30 മണിക്ക് പുളിക്കീഴ് റിജോ ഓഡിറ്റോറിയത്തിൽ ജില്ലാ, ബ്ലോക്ക്, ഗ്രാമ പഞ്ചായത്ത് യു.ഡി.എഫ് സ്ഥാനാർത്ഥി സംഗമം തിരഞ്ഞെടുപ്പ് കൺവൻഷൻ എന്നിവ പ്രതിപക്ഷ നേതാവ് ഉദ്ഘാടനം ചെയ്യും. ഉച്ചക്ക് 1- മണിക്ക് പത്തനംതിട്ടയിൽ മീറ്റ് ദി പ്രസ്സ് പരിപാടിയിൽ പങ്കെടുക്കുന്ന അദ്ദേഹം 2.30-ന് പത്തനംതിട്ട നഗരസഭ സ്ഥാനാർത്ഥി സംഗമവും തിരഞ്ഞെടുപ്പ് കൺവൻഷനും രാജീവ് ഭവൻ ഓഡിറ്റോറിയത്തിൻ ഉദ്ഘാടനം ചെയ്യും.
വൈകിട്ട് 4- മണിക്ക് കോഴഞ്ചേരി വണ്ടിപ്പേട്ടയിലും വൈകിട്ട് 5 മണിക്ക് മല്ലപ്പള്ളി ജംഗ്ഷനിലും തിരഞ്ഞെടുപ്പ് പൊതുസമ്മേളനങ്ങൾ പ്രതിപക്ഷ നേതാവ് വി.ഡി സതീശൻ ഉദ്ഘാടനം ചെയ്യും. കെ.പി.സി.സി പ്രസിഡന്റ് സണ്ണി ജോസഫ് എം.എൽ.എ, എ.ഐ. സി.സി ജനറൽ സെക്രട്ടറി കെ.സി വേണുഗോപാൽ, മറ്റ് കോൺഗ്രസ്, യു.ഡി.എഫ് നേതാക്കളും പ്രചരണ പരിപാടികൾക്കായി വരും ദിവസങ്ങളിൽ ജില്ലയിൽ എത്തിച്ചേരുമെന്ന് സാമുവൽ കിഴക്കുപുറം പറഞ്ഞു.
