തൃപ്പൂണിത്തുറ: നഗരസഭയുടെ പതിനാലാം പഞ്ചവത്സര പദ്ധതിയുടെ വികസന സെമിനാര്‍ ബഹിഷ്‌കരിച്ച്‌ യു.ഡി.എഫ് കൗണ്‍സിലര്‍മാര്‍ സെമിനാര്‍ നടന്ന കൂത്തമ്പലത്തിന് മുന്നില്‍ ധര്‍ണ നടത്തി.സെമിനാറില്‍ എം.എല്‍.എമാരായ കെ. ബാബുവിനെയും അനൂപ് ജേക്കബ്ബിനേയും ക്ഷണിക്കാത്തതിലും സെമിനാര്‍ രാഷ്‌ട്രീയവത്കരിച്ചതിലും പ്രതിഷേധിച്ചായിരുന്നു ബഹിഷ്‌കരണം. പാര്‍ലമെന്ററി പാര്‍ട്ടി ലീഡര്‍ കെ.വി. സാജു ഉദ്ഘാടനം ചെയ്തു. കൗണ്‍സിലര്‍മാരായ ഡി.അര്‍ജുനന്‍, പി.ബി. സതീശന്‍, റോയ് തിരുവാങ്കുളം, ജയകുമാര്‍, എല്‍സി കുര്യാക്കോസ്, രോഹിണി എന്നിവര്‍ പ്രസംഗിച്ചു.
