പത്തനംതിട്ട : നെഹ്റു യുവ കേന്ദ്രയും , കാതോലിക്കേറ്റ് കോളേജ് എൻ.സി.സി., എൻ.എസ്.എസ് യൂണിറ്റുകളുടെ സംയ്ക്ത ആഭിമുഖ്യത്തിൽ അന്താരാഷ്ട്ര യോഗ ദിനം ആചരിച്ചു. കാതോലിക്കേറ്റ് കോളേജ് പ്രിൻസിപ്പൽ ഫിലിപ്പോസ് ഉമ്മൻ അദ്ധ്യക്ഷനായ യോഗം പത്തനംതിട്ട മുൻസിപ്പൽ ചെയർമാൻ ടി.സക്കീർ ഹുസൈൻ ഉത്ഘാടനം ചെയ്തു. നെഹ്റു യുവ കേന്ദ്ര ജില്ലാ യൂത്ത് ഓഫീസർ സന്ദീപ് കൃഷ്ണൻ സ്വാഗതവും, എൻ സി സി ഓഫീസർ ജിജോ ടി ജോസ് യോഗത്തിന് കൃതജ്ഞതയും അറിയിച്ചു. എൻ എസ് എസ് പ്രോഗ്രാം ഓഫീസർ സൗമ്യ ടി ജോസ് യോഗ ക്ലാസുകൾ നയിച്ചു. ഇതിനു പുറമെ ജില്ലയിലെ വിവിധ ക്ലബുകളും യുവജന സംഘടനകളും യോഗ ദിനം അചരിച്ചു.
