കൊച്ചി : ഉപതെരഞ്ഞെടുപ്പ് പ്രചാരണം പുരോഗമിക്കുന്ന തൃക്കാക്കര നിയോജക മണ്ഡലത്തില്‍ ഭീഷ്മപര്‍വം സിനിമയിലെ ‘ചാമ്പിക്കോ’ വീഡിയോയുമായി യു.ഡി.എഫ് സ്ഥാനാര്‍ഥി. വനിത പ്രവര്‍ത്തകര്‍ക്കൊപ്പമുള്ള ഉമ തോമസിന്‍റെ വീഡിയോയാണ് ഇപ്പോള്‍ സമൂഹ മാധ്യമങ്ങളില്‍ വൈറലായിരിക്കുന്നത്. വാശിയേറിയ തെരഞ്ഞെടുപ്പില്‍ വളരെ പ്രാധാന്യമുള്ള പ്രചാരണ മാര്‍ഗമായാണ് വൈറല്‍ വീഡിയോകളെയും സമൂഹ മാധ്യമങ്ങളെയും കണക്കാക്കുന്നത്.
സ്ഥാനാര്‍ഥിയെ വോട്ടര്‍മാര്‍ക്കിടയില്‍ കൂടുതല്‍ പരിചയപ്പെടുത്തുന്നതിന് ഇത്തരം വീഡിയോകള്‍ ഏറെ ഗുണകരമാണ്. മമ്മൂട്ടി നായകനായ ഭീഷ്മപര്‍വം സിനിമയിലെ ‘ചാമ്പിക്കോ’ വീഡിയോ വൈറലായതിന് പിന്നാലെ രാഷ്ട്രീയക്കാരും വിവിധ സ്ഥാപനങ്ങളും പൊതുജനങ്ങളും വരെ ഇത്തരം വീഡിയോയുമായി രംഗത്തെത്തിയിരുന്നു.
