പത്തനംതിട്ട : ആതുരസേവനരംഗത്ത് റെഡ് ക്രോസ്സ് സൊസൈറ്റി മാതൃകാപരമായ പ്രവർത്തനമാണ് നടത്തുന്നതെന്നും പ്രളയകാലത്തും കോവിഡ് കാലത്തും റെഡ് ക്രോസ്സ് ചെയ്ത പ്രവർത്തനങ്ങൾ പ്രശംസനീയമാണെന്നും സംസ്ഥാന ആരോഗ്യവകുപ്പ് മന്ത്രി വീണ ജോർജ്ജ് പറഞ്ഞു. ഇന്ത്യൻ റെഡ് ക്രോസ്സ് സോസൈറ്റി കോഴഞ്ചേരി താലൂക്ക് സംഘടിപ്പിച്ച റെഡ് ക്രോസ്സ് ദിനാചാരണം പത്തനംതിട്ട വൈ എം സി എയിൽ ഉദ്ഘാടനം ചെയ്ത് പ്രസംഗിക്കുകയായിരുന്നു. ഉക്രൈൻ യുദ്ധത്തിൽ റെഡ് ക്രോസ്സ് ചെയ്ത സേവനം ത്യാഗോജ്വലമാണെന്നും അവർ പറഞ്ഞു.
താലൂക്ക് ചെയർമാൻ പി. കെ. ജോസഫ് അധ്യക്ഷത വഹിച്ചു. ഓക്സിജൻ കോണ്സെന്ട്രേറ്ററിന്റെയും ജെ ആർ സി പെൺകുട്ടികൾക്കുള്ള ഹൈജീനിക് കിറ്റിന്റെയും വിതരണോത്ഘാടനം കാതോലിക്കേറ്റ് കോളേജ് പ്രിൻസിപ്പൽ ഡോ. ഫിലിപ്പോസ് ഉമ്മൻ നിർവഹിച്ചു. ജില്ലാ കമ്മിറ്റിയംഗം എൻ. എം ഷാജഹാൻ, താലൂക്ക് സെക്രട്ടറി ഏബൽ മാത്യു, റ്റി. ജോർജ്ജ് വർഗീസ്, ജോൺ കെ. വർഗ്ഗീസ്, ശോശാമ്മ ഫിലിപ്പ്, ജോസ് മാത്യു, ഗ്രേസി ജോർജ്ജ് എന്നിവർ പ്രസംഗിച്ചു.