പത്തനംതിട്ട: കണ്ണൂർ എ.ഡി.എം ആയിരുന്ന നവീൻ ബാബുവിന്റെ മരണത്തിന് ഉത്തരവാദിയായ കണ്ണൂർ ജില്ലാ പഞ്ചായത്ത് പ്രസിഡന്റ് പി.പി. ദിവ്യക്കെതിരെ കൊലക്കുറ്റത്തിന് കേസ് രജിസ്റ്റർ ചെയ്ത് അന്വേഷണം നടത്തി നിയമ നടപടികൾക്ക് വിധേയമാക്കണമെന്ന് ആവശ്യപ്പെട്ട് നാളെ മണ്ഡലം യു .ഡി എഫ് കമ്മിറ്റിയുടെ നേതൃത്വത്തിൽ മലയാലപ്പുഴ പഞ്ചായത്തിൽ ഹർത്താൽ ആചരിക്കുമെന്ന് . ഡി.സി.സി ജനറൽ സെക്രട്ടറി സാമുവൽ കിഴക്കുപുറം, യു.ഡി.എഫ് മണ്ഡലം ചെയർമാൻ ദിലീപ് കുമാർ പൊതീപ്പാട് എന്നിവർ പറഞ്ഞു.
രാവിലെ 6 – മണി മുതൽ വൈകിട്ട് 6- മണി വരെയാണ് ഹർത്താൽ. പാൽ, പത്രവിതരണം ആവശ്യ സർവീസുകൾ എന്നിവയെ ഹർത്താലിൽ നിന്നും ഒഴിവാക്കിയിട്ടുണ്ട്. ഹർത്താലുമായി മനുഷ്യ സ്നേഹികളും ജനാധിപത്യ വിശ്വാസികളുമായ മലയാലപ്പുഴ പഞ്ചായത്തിലെ എല്ലാ ജനങ്ങളും സഹകരിക്കണമെന്ന് നേതാക്കൾ അഭ്യർത്ഥിച്ചു. പ്രതിപക്ഷ നേതാവ് വി.ഡി.സതീശൻ നാളെ മൂന്ന് മണിക്ക് മലയാലപ്പുഴ പത്തിശ്ശേരിയിലുള്ള മരണപ്പെട്ട നവീൻ ബാബുവിന്റെ കുടുംബ വീട്ടിൽ സന്ദർശനം നടത്തുമെന്ന് അറിയിച്ചിട്ടുള്ളതായി കോൺഗ്രസ് നേതാക്കൾ പറഞ്ഞു.
