വത്തിക്കാന് സിറ്റി : യുക്രൈനിലെ യുദ്ധം ഐക്യരാഷ്ട്രസഭയുടെ കഴിവുകേടെന്ന് ഫ്രാന്സിസ് മാര്പാപ്പ ആരോപിച്ചു. വത്തിക്കാനില് പ്രതിവാര പ്രഭാഷണത്തിലാണ് യുക്രൈന് വിഷയത്തെക്കുറിച്ചു അദ്ദേഹം അഭിപ്രായ പ്രകടനം നടത്തിയത്. ബുച്ചയില് നിന്നെത്തിച്ച യുക്രൈന് പതാകയില് ചുംബിച്ചുകൊണ്ട് അവിടെനടന്ന കൂട്ടക്കൊലകളെ മാര്പാപ്പ അപലപിച്ചു. ”യുദ്ധം അവസാനിപ്പിക്കണം. ആയുധങ്ങള് നിശ്ശബ്ദമാകട്ടെ.” -അദ്ദേഹം പറഞ്ഞു. യുക്രൈനില് നിന്നെത്തിയ അഭയാര്ഥിക്കുട്ടികള്ക്ക് ഈസ്റ്റര് മുട്ടകളും വിതരണം ചെയ്തു.
