കൊച്ചി : ഉമ തോമസിനെതിരെ അപകീര്ത്തിപരമായ പരാമര്ശങ്ങള് അടങ്ങിയ ഫേസ്ബുക്ക് പോസ്റ്റ് ഇട്ട സി.പി.എം അനുകൂല സംഘടനാ നേതാവും പ്ലാനിംഗ് ആന്റ് എക്കണോമിക് അഫയേഴ്സ് ഡപ്യൂട്ടി സെക്രട്ടറിയുമായ വക്കം സെന്നിനെതിരെ തൃക്കാക്കര പോലീസ് എഫ്.ഐ.ആര് ഇട്ട് കേസ്സെടുത്തു (എഫ്.ഐ.ആര്.നമ്പര്. 464/2022).
മഹിള കോണ്ഗ്രസ് സംസ്ഥാന പ്രസിഡണ്ട് ജെബി മേത്തര് എം.പി ഡി.ജി.പി.ക്ക് നല്കിയ പരാതിയെ തുടര്ന്നാണ് നടപടി. ജെബി മേത്തറില് നിന്ന് തൃക്കാക്കര പോലീസ് മൊഴി രേഖപ്പെടുത്തി. പണ്ട് ഭര്ത്താവ് മരിച്ച സ്ത്രീ ചിതയിലേക്ക് എടുത്തു ചാടി സതി അനുഷ്ഠിക്കുമെങ്കില് ഇപ്പോള് ഭര്ത്താവ് മരിച്ചാല് മല്സരിക്കാനുള്ള കൊതിയാണ്. യു.ഡി.എഫ് സ്ഥാനാര്ത്ഥി തിരഞ്ഞെടുപ്പിലേക്ക് എടുത്തു ചാടുകയായിരുന്നു എന്നാണ് വക്കം സെന് ഫേസ് ബുക്കില് എഴുതിയത്.
