തിരുവനന്തപുരം : രാഹുല് ഗാന്ധി എം.പിയുടെ ഓഫീസിനുനേരേയുണ്ടായ എസ്എഫ്ഐ ആക്രമണത്തെപ്പറ്റി നിയമസഭയില് പ്രതികരിക്കാതിരുന്ന മുഖ്യമന്ത്രി പിണറായി വിജയനെ കുട്ടിക്കോമാളികളുടെ നേതാവെന്ന് വിശേഷിപ്പിച്ച് തൃക്കാക്കര എംഎല്എ ഉമാ തോമസ്. ‘ഞങ്ങളുടെ ആരാധ്യനായ നേതാവ് രാഹുല് ഗാന്ധിയുടെ ഓഫീസ് തല്ലിത്തകര്ത്ത് വാഴവെച്ച കുട്ടിക്കോമാളികളുടെ നേതാവ് ഈ വിഷയത്തിനെതിരെ പ്രതികരിക്കാന് തയ്യാറായില്ല. മന്ത്രിമാരടക്കം പ്രതിപക്ഷത്തെ പ്രകോപിപ്പിക്കുകയാണുണ്ടായത്. ഇതോടെ ഞങ്ങള്ക്ക് സഭ ബഹിഷ്കരിക്കേണ്ടിവന്നു’ – ആദ്യ സഭാ സമ്മേളനത്തിനുശേഷം ഉമാ തോമസ് പറഞ്ഞു. തിങ്കളാഴ്ച നടന്ന നിയമസഭാ സമ്മേളനം പ്രതിപക്ഷത്തിന്റെ പ്രതിഷേധത്തിനെ തുടര്ന്ന് നിര്ത്തിവെച്ചിരുന്നു.
