കൊല്ക്കത്ത : കൊല്ക്കത്തയില് ആദ്യ ഭൂഗര്ഭ മെട്രോ സ്റ്റേഷന് ഒരുങ്ങി.കൊല്ക്കത്തയിലെ കിഴക്ക്-പടിഞ്ഞാറന് പാതകള് ഫൂള്ബാഗന് വരെ നീട്ടുന്നതിന്റെ ഭാഗമായാണ് ഫൂള്ബാഗന് മെട്രോ സ്റ്റേഷന് തുറന്നത്. സെക്ടര് അഞ്ചില് നിന്ന് ഹൗറ മൈതാനവുമായി ബന്ധിപ്പിക്കുന്ന ആദ്യ ഭൂഗര്ഭ മെട്രോ സ്റ്റേഷനാണിത്. ഫൂള്ബാഗനില് നിന്നുള്ള ആദ്യ ട്രെയിന് റെയില്വേ മന്ത്രി പീയൂഷ് ഗോയല് വീഡിയോ ലിങ്ക് വഴി ഫ്ലാഗ് ഓഫ് ചെയ്തു.
ഫെബ്രുവരി 13 നാണ് കിഴക്ക്-പടിഞ്ഞാറന് മെട്രോയുടെ 4.88 കിലോമീറ്റര് നീളമുള്ള ആദ്യ ഘട്ടം പ്രവര്ത്തനം ആരംഭിച്ചത്. ഇരട്ട നഗരങ്ങളായ കൊല്ക്കത്തയെയും ഹൗറയെയും ബന്ധിപ്പിക്കുന്ന 16.6 കിലോമീറ്റര് ദൈര്ഘ്യമുള്ള ദ്രുത ഗതാഗത സംവിധാനം 2022 പകുതിയോടെ പൂര്ത്തിയാക്കും.
