കൊച്ചി : കേന്ദ്ര പ്രതിരോധ മന്ത്രി രാജ്നാഥ് സിംഗ് വിവിധ പരിപാടികള്‍ക്കായി ഇന്ന് കൊച്ചിയില്‍ എത്തും. ഇന്ന് വൈകിട്ട് ദക്ഷിണ നാവിക സേനാ വിമാനത്താവളത്തില്‍ ഇറങ്ങുന്ന അദ്ദേഹത്തെ സ്വീകരിക്കുന്നത് നാവിക സേനാ ഉദ്യോഗസ്ഥര്‍ ആണ്.
ഗാന്ധി ജയന്തി ദിനമായ ഒക്ടോബര്‍ രണ്ടിന് സ്വഛ്ഭാരത് പ്രവര്‍ത്തനം നടത്താനും, തുടര്‍ന്ന് ലക്ഷദ്വീപില്‍ എത്തി മഹാത്മ ഗാന്ധിയുടെ പ്രതിമ അനാഛാദനം ചെയ്യാനുമാണ് രാജ്നാഥ് സിംഗ് എത്തുന്നത്. തുടര്‍ന്ന് മൂന്നിന് അദ്ദേഹം ഡല്‍ഹിക്ക് മടങ്ങും.
