നെടുമങ്ങാട് : ഭാരവാഹി തെരഞ്ഞെടുപ്പിലെ തര്ക്കത്തെതുടര്ന്ന് ഡി.വൈ.എഫ്.ഐ ഉഴമലയ്ക്കല് മേഖല സമ്മേളനം നിര്ത്തിവെച്ചു. ചൊവ്വാഴ്ചയാണ് ചക്രപാണി ഗിരി ഗോകുലം ഓഡിറ്റോറിയത്തില് മേഖല സമ്മേളനം നടന്നത്. സമ്മേളനത്തില് മേഖല കമ്മിറ്റി അംഗങ്ങളെ നിശ്ചയിച്ചശേഷം ഭാരവാഹികളെ തെരഞ്ഞെടുക്കുന്നതിനിടെയാണ് തര്ക്കമുണ്ടായത്. നിലവിലെ സെക്രട്ടറിയും പ്രസിഡന്റും വീണ്ടും തെരഞ്ഞെടുക്കപ്പെടാനായിരുന്നു സാധ്യത. എന്നാല്, മേഖല പ്രസിഡന്റ്, സെക്രട്ടറി സ്ഥാനത്തേക്ക് രണ്ട് പുതിയ പേരുകള് സി.പി.എം ഉഴമലയ്ക്കല് ലോക്കല് കമ്മിറ്റി നിര്ദേശിച്ചു.
ഈ പേരുകള് ഭൂരിഭാഗം ഡി.വൈ.എഫ്.ഐ മേഖല കമ്മിറ്റി അംഗങ്ങളും അംഗീകരിക്കാന് തയാറായില്ല. ഇതാണ് തര്ക്കത്തിലേക്ക് എത്തിയത്. വാക്കേറ്റം കൈയാങ്കളിയിലേക്കെത്തുമെന്ന സ്ഥിതിയായതോടെ ഡി.വൈ.എഫ്.ഐ ബ്ലോക്ക് നേതൃത്വം ഇടപെട്ട് സമ്മേളനം നിര്ത്തിവെക്കുകയായിരുന്നു. സംസ്ഥാന കമ്മിറ്റി അംഗം ആര്.എസ് ബാലമുരളിയാണ് സമ്മേളനം ഉദ്ഘാടനം ചെയ്തത്.
