കോഴഞ്ചേരി: വാഹനാപകടത്തിൽ മരിച്ച കാല്നടയാത്രക്കാരനെ തിരിച്ചറിഞ്ഞിട്ടില്ല. വെള്ളിയാഴ്ച രാത്രി എട്ടരയോടെ കോഴഞ്ചേരി പത്തനംതിട്ട റോഡിൽ ഇലന്തൂർ കാരംവേലിയിലാണ് അപകടം നടന്നത്. തെക്കേമലയിൽ നിന്ന് പത്തനംതിട്ട ഭാഗത്തേക്ക് വന്ന സ്കൂട്ടറാണ് ഇദ്ദേഹത്തെ തട്ടിയതെന്നു പറയുന്നു. കനത്ത മഴയിൽ നടന്നുപോയ അപരിചിതൻ പെട്ടെന്ന് റോഡ് മുറിച്ചു കടന്നതാണ് അപകടത്തിന് ഇടയാക്കിയതെന്ന് സ്കൂട്ടർ ഓടിച്ചയാൾ പോലീസിനോടു പറഞ്ഞു. അപകടത്തിൽ റോഡിലേക്ക് തെറിച്ചുവീണ ഇദ്ദേഹത്തെ മറ്റൊരു വാഹനം ഇടിച്ചതായും പറയുന്നു. ഇദ്ദേഹത്തെക്കുറിച്ച് എന്തെങ്കിലും അറിയാവുന്നവര് ആറന്മുള പോലീസുമായി ബന്ധപ്പെടണം. 94979 87047, 94979 80226.
