വിഴിഞ്ഞം കടല്‍ തീരത്ത് യുവതിയുടെ മൃതദേഹം

തിരുവനന്തപുരം :  വിഴിഞ്ഞം കടല്‍ തീരത്ത് യുവതിയുടെ അജ്ഞാത മൃതദേഹം.  വിഴിഞ്ഞം തീരത്തിന് സമീപമാണ് കടലില്‍ യുവതിയുടെ മൃതദേഹം കണ്ടത്. രാവിലെ പട്രോളിങ്ങിന് പോയപ്പോള്‍ തീരദേശ പോലീസാണ് അജ്ഞാത മൃതദേഹം കണ്ടെത്. ബൊള്ളാട് ഭാഗത്ത് കടലില്‍ മൃതദേഹം ഒഴുകി നടക്കുകയായിരുന്നു . മൃതദേഹത്തിന് ഒരു ദിവസം പഴക്കമുണ്ടെന്ന് പോലീസ് പറഞ്ഞു. 20 വയസ് തോന്നിക്കുന്ന യുവതിയുടെ മൃതദേഹം തീരത്തെത്തിച്ച് മോര്‍ച്ചറിയിലേക്ക് മാറ്റി. സമീപ പോലീസ് സ്റ്റേഷനുകളില്‍ ആളെ കാണാതായതായി രജിസ്റ്റര്‍ ചെയ്ത കേസുകളിലെ വിവരങ്ങള്‍ പരിശോധിക്കാന്‍ വിഴിഞ്ഞം തീരദേശ പോലീസ് നടപടി തുടങ്ങി.