ലഖ്നൗ: ലുലു മാളില് നമസ്കാരം നിര്വഹിച്ചതിന് പിന്നാലെയുണ്ടായ വിവാദത്തില് സുശാന്ത് ഗോള്ഫ് സിറ്റി സ്റ്റേഷന് ഇന്ചാര്ജിനെ സ്ഥലംമാറ്റി യുപി പോലീസ്.അജയ് പ്രതാപ് സിങിനെയാണ് ലഖ്നൗ പോലീസ് കമ്മീഷണറേറ്റ് സ്ഥലംമാറ്റിയത്. ഗോസായിഗഞ്ച് ഇന്സ്പക്ടര് ശൈലേന്ദ്ര പ്രതാപ് സിങ്ങാണ് പുതിയ സ്റ്റേഷന് ഇന്ചാര്ജ്. അജയ് പ്രതാപിനെ പോലീസ് ലൈനിലേക്കു മാറ്റി.ദക്ഷിണ മേഖലാ ഡിസിപി ഗോപാല് കൃഷ്ണ ചൗധരിയെയും നീക്കി. സുഭാഷ് ഷാക്യയാണ് പുതിയ ഡിസിപി. ഗോപാല് കൃഷ്ണയെ ക്രൈം വിഭാഗത്തിലെ ഡെപ്യൂട്ടി കമ്മീഷണറാക്കി.
നമസ്കാരത്തിനു പിന്നാലെ തീവ്രഹിന്ദു സംഘടനകള് ഹനുമാന് ചാലിസ ചൊല്ലാന് ശ്രമിച്ചതും വിവാദമായിരുന്നു. നമസ്കാരം തുടരാന് അനുവദിച്ചാല് രാമായണത്തിലെ സുന്ദരകാണ്ഡം ചൊല്ലുമെന്നായിരുന്നു ഹിന്ദു മഹാസഭയുടെ ഭീഷണി. ഇതിനു പിന്നാലെ നമസ്കാരം നിര്വഹിച്ച അജ്ഞാതര്ക്കെതിരെ യുപി പോലീസ് കേസ് രജിസ്റ്റര് ചെയ്തു. വിശ്വാസികള് നമസ്കരിക്കുന്നതിന്റെ വീഡിയോ നവമാധ്യമങ്ങളില് വൈറലായിരുന്നു.
