മുംബൈ: തന്നെ ശാരീരികമായി ഉപദ്രവിച്ചവരില് അച്ഛനും ഉണ്ടെന്ന് ടെലിവിഷന് താരം ഉര്ഫി ജാവേദ്. കുട്ടിക്കാലത്ത് കടുത്ത മാനസിക ശാരീരിക അക്രമങ്ങള്ക്ക് വിധേയായിട്ടുണ്ടെന്ന് താരം വ്യ്കതമാക്കി. പതിനഞ്ചു വയസില് ഫെയ്സ്ബുക്കിലിട്ട പ്രൊഫൈല് ചിത്രം ആരോ ഡൗണ്ലോഡ് ചെയ്ത് അശ്ലീല സൈറ്റിലിടുകയും ഇത് കുടുംബത്തിലും നാട്ടിലും വലിയ ചര്ച്ചയാവുകയും ചെയ്തു. ഇതിന്റെ പേരില് അച്ഛനും കുടുംബക്കാരും മാനസികവും ശാരീരികവുമായി തന്നെ ഉപദ്രവിച്ചെന്നും താരം പറയുന്നു.
രതിചിത്ര നായികയെന്ന് ആക്ഷേപിച്ചു. വിഡിയോ എവിടെയെന്ന് ചോദിച്ചപ്പോള് അച്ഛന് ഉള്പ്പടെയുള്ളവര് തന്നെ രതിചിത്ര നടിയെന്ന് മുദ്രകുത്തുകയായിരുന്നു. ബോധം പോകുന്നത് വരെ തന്നെ അടിച്ച് അവശയാക്കിയിട്ടുണ്ടെന്നും ഉര്ഫി പറയുന്നു. പോണ്സൈറ്റില് നിന്ന് ചിത്രം നീക്കം ചെയ്യാനായി 50 ലക്ഷം രൂപ ചോദിക്കുന്നതായി അച്ഛന് ബന്ധുക്കളോട് പറഞ്ഞുനടന്നു. എന്നെ നിരന്തരം ഉപദ്രവിക്കുന്നതിനാല് ഇതില് പ്രതികരിക്കാന് പോലും എനിക്കായില്ല. ഇവിടെ ഇരയായത് ഞാനാണെന്നും അവര് പറയുന്നു.