കൊല്ലം : ഉത്ര വധക്കേസില്‍ ഭര്‍ത്താവ് സൂരജിന്‍റെ വീട്ടുകാര്‍ക്കെതിരെ കേസെടുക്കാൻ വനിതാ കമ്മീഷൻ നിര്‍ദേശം. സൂരജിന്‍റെ അച്ഛനും അമ്മയ്ക്കും സഹോദരിക്കും എതിരെ ഗാര്‍ഹിക പീഡനത്തിന് കേസെടുക്കാനാണ് വനിതാ കമ്മീഷൻ നിര്‍ദ്ദേശിച്ചിട്ടുള്ളത്. പത്തനംതിട്ട എസ്പിയോട് കേസ് എടുക്കാൻ ആവശ്യപ്പെട്ടതായി വനിതാ കമ്മിഷൻ അംഗം ഷാഹിദാ കമാൽ അറിയിച്ചു. ഗാര്‍ഹിക പീഡനത്തിന് കേസ് എടുത്ത് രണ്ടാഴ്ചക്കകം അന്വേഷണ പുരോഗതി അറിയിക്കാനാണ് വനിതാ കമ്മീഷൻ ആവശ്യപ്പെട്ടിട്ടുള്ളത്.
