അടൂർ : അപൂർവങ്ങളിൽ അപൂർവമായ അഞ്ചൽ ഉത്ര വധക്കേസ് അന്വേഷണ സംഘത്തിന് സംസ്ഥാന പോലീസ് മേധാവിയുടെ പ്രത്യേക പുരസ്കാരം. മികച്ച രീതിയിൽ അന്വേഷണം നടത്തി കോടതിയിൽ ചാർജ് സമർപ്പിച്ച ഉത്ര കൊലക്കേസിന്റെ അന്വേഷണ സംഘത്തിനാണ് ഡിജിപിയുടെ കാഷ് അവാർഡും അനുമോദനവും ലഭിച്ചത്.
കൊല്ലം റൂറൽ ജില്ലാ പോലീസ് മേധാവി ഹരിശങ്കർ, അഡീഷണൽ ജില്ലാ പോലീസ് മേധാവി എസ്.മധുസൂദനൻ, ക്രൈംബ്രാഞ്ച് ഡിവൈഎസ്പി എ.അശോകൻ, അന്വേഷണ സംഘാംഗമായിരുന്ന നേമം സി.ഐ. അനൂപ് കൃഷ്ണ, കൊല്ലം സിറ്റി ക്രൈംബ്രാഞ്ചിലെ എസ്.ഐ. അനിൽകുമാർ, കുന്നിക്കോട് എസ്ഐ. രമേശ് കുമാർ, ക്രൈം ബ്രാഞ്ചിലെ മനോജ് കുമാർ, സജീന, മുരുകൻ, അനിൽ കുമാർ, നിക്സൺ ചാൾസ്, ഷീബ.റ്റി, ഇന്ദു.എ, മിനിമോൾ, ഷീബ.എ, മിർസ.ജെ, പ്രവീൺ, അഖിൽ പ്രസാദ്, ജില്ലാ സൈബർസെല്ലിലെ മഹേഷ് മോഹൻ, സ്കോഡ് അംഗങ്ങളായ ശിവശങ്കരപിള്ള, അജയകുമാർ, സജി ജോൺ, രാധാകൃഷ്ണപിള്ള, ആഷിർ കോഹൂർ എന്നിവരടങ്ങിയ അന്വേഷണ സംഘത്തിനാണ് ഇപ്പോൾ ഡിജിപി ലോക്നാഥ് ബെഹ്റ കമന്റേഷനും കാഷ് അവാർഡും നൽകി ആദരിച്ചത്. കാഷ് അവാർഡായി കിട്ടിയ തുക ടീം അംഗങ്ങൾ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്തു.
