തപോവന്: ഉത്തരാഖണ്ഡിലെ ചമോലിയില് ഞായറാഴ്ച മഞ്ഞുമല ഇടിഞ്ഞുവീണു രൂപപ്പെട്ട മിന്നല്പ്രളയത്തില് കാണാതായ രണ്ടുപേരുടെ മൃതദേഹം കൂടി കണ്ടെത്തി. ഇതോടെ മരിച്ചവരുടെ എണ്ണം 40 ആയി.
കാണാതായവര്ക്കുവേണ്ടിയുള്ള തെരച്ചില് തുടരുകയാണ്. തപോവന്-വിഷ്ണുഗഡ് ജലവൈദ്യുത പദ്ധതിയുടെ നിര്മാണത്തിലിരുന്ന ടണലില് മുപ്പതോളം തൊഴിലാളികള് കുടുങ്ങിയതായുള്ള വിവരത്തിന്റെ അടിസ്ഥാനത്തില് ടണല് തുരന്ന് ഉള്ളിലേക്കു കയറാനുള്ള പ്രവൃത്തികളാണ് ഇപ്പോള് നടക്കുന്നത്. പദ്ധതി പ്രദേശത്തിന്റെ പഴയ ഫോട്ടോകളുടെ കൂടി സഹായത്തോടെയാണ് തെരച്ചില്.