കൊച്ചി : ആര്എസ്എസിന്റെയും എസ്ഡിപിഐയുടെയും നിലനില്പ് പരസ്പര സഹായത്തോടെയെന്ന് പ്രതിപക്ഷ നേതാവ് വിഡി സതീശന്.ആര്എസ്എസും ഇതുപോലെ തന്നെ പ്രവര്ത്തിക്കുന്ന സംഘടനയാണ്. വെറുപ്പും വിദ്വേഷവും പരത്തി ആളുകളെ ഭിന്നിപ്പിക്കാനാണ് അവര് ശ്രമിക്കുന്നത് എന്നും വിഡി സതീശന് പറഞ്ഞു. ഒരു കാരണവശാലും ഇത്തരം ശക്തികള് പ്രോത്സാഹിപ്പിക്കപ്പെടാന് പാടില്ല. അവരെ നിയന്ത്രിക്കണം. വര്ഗീയമായ വിഭജനം നടത്താന് പാടില്ല. ഭാരത് ജോഡോ യാത്രയുടെ സന്ദേശവും അത് തന്നെയാണ്, ഒന്നിപ്പിക്കാനാണ്. പോപ്പുലര് ഫ്രണ്ടിന്റെയാണെങ്കിലും ആര്എസ്എസിന്റെയാണെങ്കിലും പ്രവര്ത്തനങ്ങള് വിഭജിപ്പിക്കുകയാണ് ലക്ഷ്യം. അതിനെ രാഷ്ട്രീയമായി ചെറുക്കും. ആര്എസ്എസും ഇതുപോലെ തന്നെ പ്രവര്ത്തിക്കുന്ന സംഘടനയാണ്. വെറുപ്പും വിദ്വേഷവും തന്നെയാണ് അവരുടെയും. ഇപ്പൊ ബാലന്സ് ചെയ്യാന് വേണ്ടി പറയുകയല്ല. അവരും ഇതുതന്നെയാണ് പണി. അവരും ഇതുപോലെ തന്നെ ജോലി ചെയ്യുന്ന ആളുകളാ. ഇതുപോലെ തന്നെ വെറുപ്പാണ്.”- വിഡി സതീശന് പറഞ്ഞു.
പോപ്പുലര് ഫ്രണ്ട് നിരോധനം മുസ്ലിം ലീഗ് സ്വാഗതം ചെയ്തിരുന്നു. പണ്ട് ആര്എസ്എസും നിരോധിച്ചിരുന്നു. പക്ഷേ കൂടുതല് ഊര്ജ്ജസ്വലതയോടെ അവര് തിരികെവന്നു. ഇതിനെ ആശയപരമായി നേരിടുകയും അതിനെ വേരോടുകൂടി പിഴുതെറിയുകയും ചെയ്യണം എന്നും എംകെ മുനീര് മാധ്യമങ്ങളോട് പ്രതികരിച്ചു.കേന്ദ്ര ആഭ്യന്തര മന്ത്രാലയമാണ് നിരോധനം പുറപ്പെടുവിച്ചത്. ഇക്കാര്യത്തില് ഇന്നലെയാണ് തീരുമാനം ഉണ്ടായത്. പോപ്പുലര് ഫ്രണ്ടിനൊപ്പം ക്യാമ്പസ് ഫ്രണ്ട്, വിമന്സ് ഫ്രണ്ട് തുടങ്ങി അനുബന്ധ സംഘടനകളെയും നിരോധിച്ചിട്ടുണ്ട്.
