ന്യൂഡല്ഹി: ഗവര്ണര് സര്ക്കാരിന്റെ കണ്ണിലെ കരടാണെന്ന് കേന്ദ്രമന്ത്രി വി. മുരളീധരന്. ഗവര്ണര് പല നേതാക്കളെയും മതമേധാവികളെയുമൊക്കെ പോയി കണ്ടിട്ടുണ്ട്. കൊളോണിയല് ശൈലി ഗവര്ണര് തുടരണമെന്ന് പറയുന്നതെന്തിനാണ്. എന്ത് ചെയ്താലും കുറ്റമാണെന്നും അദ്ദേഹം പറഞ്ഞു. ഗവര്ണര്ക്കെതിരായ വധശ്രമത്തില് മുഖ്യമന്ത്രി പ്രതിക്കൂട്ടിലാണ്. ഗവര്ണറുടെ ആരോപണത്തിനു മുഖ്യമന്ത്രിക്ക് മറുപടിയില്ലെന്നും അദ്ദേഹം കുറ്റപ്പെടുത്തി. ഗവര്ണറെ അപായപ്പെടുത്താന് ശ്രമിക്കുന്നതില് സംസ്ഥാന സര്ക്കാരിന് മൗനാനുവാദം ഉണ്ടായിരുന്നു എന്ന് വേണം മനസിലാക്കാന്. ഗവര്ണര് പരാതി കൊടുക്കേണ്ട ആവശ്യമില്ല. സ്വയം കേസെടുക്കണം. ഗവര്ണര് ബില്ല് ഒപ്പിടില്ലെന്ന് എവിടെയും പറഞ്ഞത് താന് കണ്ടിട്ടില്ലെന്നും മുരളീധരന് കൂട്ടിച്ചേര്ത്തു.
