ക്ലാസ് മുറിയിൽ ബോഡി ഷെയിമിംഗ് പാടില്ല ; കർശന നിർദ്ദേശങ്ങളുമായി പൊതുവിദ്യാഭ്യാസ വകുപ്പ് മന്ത്രി

തിരുവനന്തപുരം: വിദ്യാർത്ഥികളുടെ ശാരീരിക, മാനസികാവസ്ഥയെ പ്രതികൂലിക്കുന്ന തരത്തിലുള്ള ബോഡി ഷെയിമിംഗ് അടക്കമുള്ള കാര്യങ്ങൾ ക്ലാസ് മുറിയിൽ പാടില്ലെന്നറിയിച്ച് പൊതുവിദ്യാഭ്യാസ വകുപ്പ് മന്ത്രി വി ശിവൻകുട്ടി. ഇത്തരം പ്രവർത്തനങ്ങൾ അധ്യാപകരിൽ നിന്നോ, സ്കൂൾ അധികൃതരിൽ നിന്നോ ഉണ്ടാകാൻ പാടില്ലെന്നാണ് അദ്ദേഹം അറിയിച്ചത്. അതോടൊപ്പം, വാഹന വാടകയുൾപ്പെടെ വിദ്യാർഥികളിൽ നിന്ന് ഈടാക്കുന്ന ഫീസ് സംബന്ധിതമായ ആവശ്യങ്ങൾ നേരിട്ട് രക്ഷിതാക്കളോട് വേണം സംസാരിക്കാൻ എന്നും അദ്ദേഹം നിർദേശിച്ചു. ഇവ ക്ലാസ് മുറികളിൽ മറ്റ് കുട്ടികളുടെ സാന്നിധ്യത്തിൽ ചോദിക്കരുതെന്നും, എല്ലാ രക്ഷിതാക്കൾക്കും ഇപ്പോൾ മൊബൈൽ ഫോണുകൾ ഉണ്ടെന്നും അദ്ദേഹം കൂട്ടിച്ചേർത്തു. പഠന യാത്രക്ക് പണമില്ലാത്തതിനാൽ ഒരു കുട്ടിയെപ്പോലും ഒഴിവാക്കരുതെന്ന് പറഞ്ഞ മന്ത്രി, പഠന യാത്രകൾ, വ്യക്തിഗത ആഘോഷങ്ങൾ എന്നിവ സംബന്ധിച്ച നിർദ്ദേശങ്ങൾ അടിയന്തരമായി നടപ്പിലാക്കുന്നതിന് സ്വീകരിച്ച നടപടികളെക്കുറിച്ചുള്ള റിപ്പോർട്ട് ഒരാഴ്ച്ചയ്ക്കകം നൽകണമെന്ന് പൊതുവിദ്യാഭ്യാസ ഡയറക്ടറോട് ആവശ്യപ്പെട്ടു. സ്‌കൂളിലെ യാത്രകളിൽ പങ്കെടുക്കുന്ന അദ്ധ്യാപകരുടെയും പി ടി എ അംഗങ്ങളുടെയും യാത്രാച്ചെലവ് ബന്ധപ്പെട്ട പി ടി എ കമ്മിറ്റികളോ മറ്റോ വഹിക്കണമെന്ന് പറഞ്ഞ മന്ത്രി, സംസ്ഥാനത്തെ അംഗീകാരമില്ലാത്ത സ്‌കൂളുകളുടെ കണക്കെടുപ്പ് പൂർത്തിയായതായും അറിയിച്ചു. ഇക്കാര്യത്തിൽ മുഖ്യമന്ത്രി യോഗം വിളിച്ച് ചേർത്തിട്ടുണ്ടെന്നും, വിവരങ്ങൾ അദ്ദേഹത്തിന് കൈമാറുമെന്നും വി ശിവൻകുട്ടി വ്യക്തമാക്കി.

സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍  ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച്  പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1