തിരുവനന്തപുരം : വളർത്തു നായ്ക്കൾക്ക് വാക്സിനേഷൻ നൽകുന്നതിനുള്ള ക്യാമ്പ് തിരുവനന്തപുരത്ത് ആരംഭിച്ചു. വട്ടിയൂർക്കാവിലാണ് ക്യാമ്പ് തുടങ്ങിയിരിക്കുന്നത്. മേയർ ആര്യ രാജേന്ദ്രന് പരിപാടി ഉദ്ഘാടനം ചെയ്തു. സ്കൂട്ടറിലും കാറിലുമൊക്കെയാണ് ഓരോരുത്തര് അവരുടെ ഓമനകളെ കൊണ്ടുവന്നത്. വളർത്തു നായ്ക്കൾക്കുള്ള വാക്സിനേഷൻ വരും ദിവസങ്ങളിലും തുടരും. ഈ മാസം ഇരുപത്തിയെട്ട് മുതൽ തെരുവ് നായ്ക്കൾക്കും തിരുവനന്തപുരം നഗരസഭ വാക്സിനേഷൻ നൽകും. പതിനായിരം ഡോസ് വാക്സിനാണ് ഇതിനകം എത്തിയിരിക്കുന്നത്.
