കോഴിക്കോട് : വടകരയിലെ സജീവന്റെ മരണത്തില് എസ്ഐ എം.നിജേഷ് ഉള്പ്പടെ മൂന്ന് പോലീസ് ഉദ്യോഗസ്ഥര്ക്ക് അന്വേഷണ സംഘം നോട്ടീസ് അയക്കും. മൊഴി എടുക്കാന് അന്വേഷണ സംഘത്തിന് മുന്പില് ഉടന് ഹാജരാകണമെന്ന് കാണിച്ചാണ് നോട്ടീസ്. ശനിയാഴ്ച നോട്ടീസ് അയക്കാന് തീരുമാനിച്ചിരുന്നെങ്കിലും സാങ്കേതിക നടപടികള് കാരണം വൈകുകയായിരുന്നൂ. സസ്പെന്ഷനിലുള്ള എസ്ഐ എം.നിജേഷ്, എഎസ്ഐ അരുണ്കുമാര്, സി.പി.ഒ ഗിരീഷ് എന്നിവര് ചോദ്യം ചെയ്യലിന് അന്വേഷണ സംഘത്തിന് മുന്പില് ഹാജരായിരുന്നില്ല. തുടര്ന്നാണ് നോട്ടീസ് അയച്ച് വിളിച്ചു വരുത്തുന്നത്.
