റാന്നി: അത്തിക്കയം സ്വദേശി ഇന്നു രാവിലെ പമ്പാനദിയില് ചാടി. രാവിലെ ഏഴരയോടെയാണ് സംഭവം. നാറാണംമൂഴി സര്വ്വീസ് സഹകരണ ബാങ്കിന്റെ സെയില്സ്മാനായ അത്തിക്കയം ചീങ്കയില് റെജി(52) ആണ് നദിയില് ചാടിയത്. കുത്തൊഴുക്കും വെള്ളക്കൂടുതലും ആയതിനാല് ആളിനെ കണ്ടെത്താനായിട്ടില്ല. നീന്തല് വശമുള്ള റെജി ഈ സമയം നദിയില് ചാടിയതിന്റെ കാരണം വ്യക്തമായിട്ടില്ല. പെരുനാട് പോലീസും റാന്നി അഗ്നിശമന സേനയും തിരച്ചില് നടത്തുന്നുണ്ട്.
