പാലക്കാട്: വടക്കഞ്ചേരി അപകടത്തില്‍ മരിച്ച മൂന്ന്‌ യാത്രക്കാരുടെ ഇന്‍ഷുറന്‍സ് തുകയായ 10 ലക്ഷം ഉടന്‍ ലഭ്യമാക്കുമെന്ന് കെഎസ്‌ആര്‍ടിസി. അടിയന്തര സഹായമായി 2 ലക്ഷം രൂപ അപകടത്തില്‍ മരിച്ച രോഹിത് രാജിന്റെ കുടുംബത്തിനു തിങ്കളാഴ്ച തന്നെ നല്‍കും. നടപടിക്രമങ്ങള്‍ പൂര്‍ത്തിയാക്കുന്ന മുറയ്ക്ക് ബാക്കി എട്ട് ലക്ഷം രൂപയും നല്‍കും. മരണാനന്തര നടപടിക്രമങ്ങള്‍ പൂര്‍ത്തിയാകുന്ന മുറയ്ക്ക് മറ്റു രണ്ടു പേരുടേയും തുക നല്‍കും. 2014ലെ കെഎസ്‌ആര്‍ടിസി ആക്‌ട് പദ്ധതി അനുസരിച്ച്‌ യാത്രക്കാര്‍ക്ക് നല്‍കി വരുന്ന അപകട ഇന്‍ഷുറന്‍സ് തുകയാണ് നല്‍കുന്നത്.
