പാലക്കാട് : ആന്ധ്രയില് നിന്ന് തൃശൂരിലേക്ക് കാറില് കടത്തുകയായിരുന്ന 130 കിലോയിലധികം കഞ്ചാവ് സ്റ്റേറ്റ് എക്സൈസ് എന്ഫോഴ്സ്മെന്റ് സംഘം പിടികൂടി. സംഭവത്തില് നാലു പേര് അറസ്റ്റിലായി. തൃശൂര് നെടുപുഴ സ്വദേശി അമര്ജിത്ത്, തൃശൂര് വടൂക്കര ഷെറിന്, എലപ്പുള്ളി പാറ ശിവകുമാര്, പട്ടാമ്പി കൂടല്ലൂര് രാജേഷ് എന്നിവരാണ് എക്സൈസിന്റെ പിടിയിലായത്. എക്സൈസിന് ലഭിച്ച രഹസ്യ വിവരത്തിന്റെ അടിസ്ഥാനത്തില് വടക്കഞ്ചേരി ആമക്കുളത്ത് നടത്തിയ പരിശോധനയില് കഞ്ചാവ് കാറില് ഒളിപ്പിച്ചനിലയില് കണ്ടെത്തുകയായിരുന്നു.
