ന്യൂഡല്‍ഹി : ജമ്മു കശ്മീരിലെ മാതാ വൈഷ്ണോദേവി ക്ഷേത്രത്തില്‍ വന്‍ തീപിടുത്തം. റെയ്സി ജില്ലയിലെ കത്രയിലുള്ള ക്ഷേത്രമന്ദിരത്തിലാണ് തീപിടുത്തമുണ്ടായത്. ഇന്ന് ഉച്ചയോടെയാണ് സംഭവം.
കെട്ടിടത്തിന്റെ മുകളിലത്തെ നിലയിലാണ് തീപിടിച്ചത്. സ്ഥലത്ത് വിന്യസിച്ചിരിക്കുന്ന സുരക്ഷാ ഉദ്യോഗസ്ഥരാണ് തീ പടര്‍ന്നുപിടിക്കുന്നത് ആദ്യം കണ്ടത്. തുടര്‍ന്ന് ക്ഷേത്ര അധികൃതര്‍ രക്ഷാപ്രവര്‍ത്തനം ആരംഭിച്ചു. അപകടത്തില്‍ ഭക്തര്‍ക്ക് പരിക്കേറ്റിട്ടില്ലെന്നും രക്ഷാപ്രവര്‍ത്തനം പുരോഗമിക്കുകയാണെന്നും ക്ഷേത്ര ഭാരവാഹികള്‍ വ്യക്തമാക്കി. സംഭവത്തില്‍ ദുരൂഹതയുണ്ടോയെന്ന് അന്വേഷിച്ചുവരികയാണ്.
