തലശ്ശേരി : പ്രണയ ദിനത്തില് ആഘോഷങ്ങള് നടത്താന് അനുവദിക്കില്ലെന്ന സംഘപരിവാര് സംഘടനകളുടെ ഭീഷണിക്കെതിരെ പുതിയ പ്രതിഷേധവുമായി ഡി.വൈ.എഫ്.ഐ. ഫെബ്രുവരി 14ന് ഡി.വൈ.എഫ്.ഐ കരിയാട് മേഖല കമ്മിറ്റിയാണ് വ്യത്യസ്തമായ പ്രതിഷേധവുമായി രംഗത്തെത്തിയിരിക്കുന്നത്. പൗരത്വ ഭേദഗതി നിയമത്തിനെതിരായി പ്രണയ ലേഖന മത്സരം സംഘടിപ്പിച്ചാണ് ഡി.വൈ.എഫ്.ഐ പ്രതിഷേധിക്കുന്നത്.
പ്രണയിക്കുന്നവരെ തല്ലിയോടിക്കാനെത്തുന്നുവര്ക്കുമുള്ള സര്ഗാത്മകമായ പ്രതിഷേധമാണ് ഈ മത്സരമെന്നും ഡി.വൈ.എഫ്.ഐ കരിയാട് മേഖലാ കമ്മിറ്റി സെക്രട്ടറി പറഞ്ഞു. മത്സരത്തില് ഒന്നാം സമ്മാനം നേടുന്ന വിജയിക്ക് 1000 രൂപ വിലവരുന്ന പുസ്തകങ്ങളാണ് സമ്മാനമായി ലഭിക്കുക. നിരവധി പ്രോത്സാഹന സമ്മാനങ്ങളും നല്കും. പ്രണയ ലേഖനങ്ങള് അയക്കേണ്ട വിലാസം: സെക്രട്ടറി, ഡിവൈഎഫ്ഐ, കരിയാട് മേഖല കമ്മിറ്റി, ഇഎംഎസ് മന്ദിരം, കരിയാട് സൗത്ത്, പിന്-673316 ഇ-മെയില്: [email protected]
