പട്ടാമ്പി : കഴിഞ്ഞ ഡിസംബറില് വല്ലപ്പുഴയില് രണ്ടു യുവാക്കളെ സംഘം ചേര്ന്ന് മര്ദിക്കുകയും വെട്ടിപ്പരിക്കേല്പ്പിക്കുകയും ചെയ്ത കേസിലെ പ്രതി പിടിയിലായി. ഒളിവിലായിരുന്ന പ്രതികളില് അഞ്ചാം പ്രതി നെല്ലായ മലയില് ഷാഹുല് മിദാദ് (28) വിദേശത്തേക്ക് രക്ഷപ്പെടാന് ശ്രമിക്കുമ്പോഴാണ് പിടിയിലായത്. ഞായറാഴ്ച രാവിലെ 6.30ന് കരിപ്പൂര് വിമാനത്താവളത്തില് അധികൃതര് തടഞ്ഞുവെച്ച് പോലീസിനെ അറിയിക്കുകയായിരുന്നു.
ജില്ല പോലീസ് മേധാവിയുടെ നിര്ദേശപ്രകാരം ഷൊര്ണൂര് ഡി.വൈ.എസ്.പിയുടെ കീഴില് എസ്.ഐമാരായ ശ്രീകുമാര്, ബിന്ദുലാല്, ഓഫിസര്മാരായ ഷമീര്, രാജേഷ്, ജയരാജന് എന്നിവരും പട്ടാമ്പിയുടെ ചാര്ജുള്ള തൃത്താല സി.ഐ വിജയകുമാറും ചേര്ന്ന് അറസ്റ്റ് രേഖപ്പെടുത്തി തെളിവെടുപ്പ് നടത്തി. പ്രതിയെ തിങ്കളാഴ്ച കോടതിയില് ഹാജരാക്കും.
