നാറാണംമൂഴി: ഈ ഓണത്തിന് അത്തപ്പൂക്കളമൊരുക്കാൻ കുടുംബശ്രീ ട്രൈബൽ ജെ.എൽ.ജി (Joint Liability Group) കളിൽ കൃഷി ചെയ്ത പൂക്കൾ വിപണിയിലെത്തുന്നു. പത്തനംതിട്ട കുടുംബശ്രീ ജില്ലാ മിഷന്റെ നേതൃത്വത്തിൽ നാറാണംമൂഴി ഗ്രാമപഞ്ചായത്ത് കുടുംബശ്രീ സി.ഡി.എസിന്റെയും കൃഷിഭവന്റെയും ആഭിമുഖ്യത്തിൽ നടപ്പാക്കുന്ന ‘നിറപ്പൊലിമ’ പദ്ധതിയുടെ വിളവെടുപ്പ് ഉദ്ഘാടനം കുരുമ്പൻമൂഴി ഉന്നതിയിലെ ട്രൈബൽ ജെ.എൽ.ജിയിൽ നടന്നു. ഗ്രാമപഞ്ചായത്ത് പ്രസിഡന്റ് സുനിൽ കുമാർ എച്ച് വിളവെടുപ്പ് ഉദ്ഘാടനം ചെയ്തു. സി.ഡി.എസ് ചെയർപേഴ്സൺ ബിന്ദു നാരായണന് അധ്യക്ഷത വഹിച്ചു.
വാർഡ് മെമ്പർ രവി, ആതിര, അനിത കെ.നായർ, ബ്ലോക്ക് കോഡിനേറ്റർ ശാരീകൃഷ്ണ, സി.ഡി.എസ് വൈസ് ചെയർപേഴ്സൺ കലാ സന്തോഷ്, ഉപസമിതി കൺവീനർ മണി അമ്പിളി, അസിസ്റ്റന്റ് കൃഷി ഓഫീസർ ജയ്സൺ കുര്യാക്കോസ്, അശ്വതി എം., പെരുനാട് സി.ഡി.എസ് ചെയർപേഴ്സൺ ശശികല, സി.ഡി.എസ് – എ.ഡി.എസ് അംഗങ്ങൾ, ജെ.എൽ.ജി അംഗങ്ങൾ എന്നിവർ പങ്കെടുത്തു. ഓണവിപണിയിൽ നാടൻ പൂക്കൾ ലഭ്യമാക്കുന്നതിനൊപ്പം കുടുംബശ്രീ വനിതകളുടെ കാർഷിക സംരംഭങ്ങൾക്ക് വരുമാനവും വിപണന സാധ്യതയും ഉറപ്പാക്കുകയാണ് പദ്ധതിയുടെ ലക്ഷ്യം.
