കോന്നി : ഓപ്പറേഷന് തണ്ടറിന്റെ ഭാഗമായി എക്സൈസ് നടത്തിയ പരിശോധനയില് കോട ശേഖരം പിടികൂടി. ഓണക്കാലത്ത് ചാരായ നിർമ്മാണത്തിന് തയ്യാറാക്കി വെച്ചിരുന്ന കോടയാണ് കോന്നി റെയ്ഞ്ച് എക്സൈസ് പിടികൂടിയത്. വള്ളിക്കോട് ടൗണിന് സമീപം ചെമ്പകത്തോടിന്റെ കരയിൽ മണക്കുഴി കുളിക്കടവിന് സമീപത്തെ കുറ്റിക്കാടുകൾക്കിടയിലായാണ് കോട കണ്ടെത്തിയത്. നിരവധി കന്നാസുകളിലായി മുന്നൂറോളം ലിറ്റർ കോടയാണ് സംഘം പിടികൂടിയത്. പ്രതികളെ പിടികൂടിയിട്ടില്ല.
പ്രതികൾക്കായി അന്വേഷണം ആരംഭിച്ചിട്ടുണ്ടെന്നും എക്സൈസ് അറിയിച്ചു. എക്സൈസ് പ്രിവന്റിവ് ഓഫീസർ ഡി.അജയകുമാറിന്റെ നേതൃത്വത്തിലുള്ള സംഘമാണ് കോട കണ്ടെത്തിയത്. എക്സൈസ് പ്രിവന്റിവ് ഓഫീസർമാരായ ആർ.പ്രേം ശ്രീധർ, ഷാജി ജോർജ്, സിവിൽ എക്സൈസ് ഓഫീസർമാരായ ആസിഫ് സലീം, എ.ഷെഹിൻ എന്നിവർ പങ്കെടുത്തു. ഓണം സ്പെഷ്യൽ ഡ്രൈവിന്റെ ഭാഗമായി ജില്ലയില് ഊര്ജ്ജിതമായ പരിശോധനകള് നടന്നു വരുന്നതായി എക്സൈസ് അധികൃതർ അറിയിച്ചു.
