ചെങ്ങന്നൂര് :ആചാര അനുഷ്ഠാനങ്ങളെയും ഈശ്വരവിശ്വാസത്തേയും തകര്ക്കാനും നശിപ്പിക്കാനുമുള്ള വ്യാപക ശ്രമത്തെ ചെറുത്തു തോല്പ്പിക്കേണ്ടത് കാലഘട്ടത്തിന്റെ ആവശ്യമെന്ന് എന്.എസ്.എസ് പ്രസിഡന്റ് പി.എന്.നരേന്ദ്രനാഥന് നായര് പറഞ്ഞു. സുപ്രീം കോടതി വിധി മറയാക്കി ശബരിമല ക്ഷേത്രത്തെ തകര്ക്കുവാന് നടത്തിയ സംഘടിത ശ്രമം സമാധാനപരമായ നാമ ജപ പ്രതിഷേധങ്ങളിലൂടെ അതിജീവിക്കുവാന് നമുക്ക് സാധിച്ചു. വന്മഴി 1207-ാം നമ്പര് എന്.എസ്.എസ് കരയോഗം നിര്മ്മിച്ച ഓഫീസും ശീതീകരിച്ച ഹാള് അടക്കമുള്ള കെട്ടിട സമുച്ചയവും ഉദ്ഘാടനം ചെയ്തു കൊണ്ട് സംസാരിക്കുകയായിരുന്നു അദ്ദേഹം. സമുദായത്തെ തകര്ക്കുവാനും ഭിന്നിപ്പിക്കുവാനുമുള്ള ശ്രമങ്ങള്ക്കെതിരെ ജാഗ്രത പുലര്ത്തണമെന്നും അദ്ദേഹം ആഹ്വാനം ചെയ്തു.
യൂണിയന് പ്രസിഡന്റ് പി.എന് സുകുമാരപ്പണിക്കര് അദ്ധ്യക്ഷത വഹിച്ചു. കരയോഗം പ്രസിഡന്റ് കൃഷ്ണകുമാര് കൃഷ്ണ വേണി, താലൂക്ക് യൂണിയന് സെക്രട്ടറി ബി.കെ മോഹന് ദാസ്, വൈസ് പ്രസി. പി.നാരായണന് നായര്, പാണ്ടനാട് പഞ്ചായത്ത് പ്രസിഡന്റ് ശിവന് കുട്ടി ഐലാരത്തില്, കരയോഗം സെക്രട്ടറി വി.ജി. മനോഹരന് ,എം .വി ഗോപകുമാര്, ജി.കൃഷ്ണകുമാര്, കെ.ആര് ജയകുമാര്, ആശാ വി.നായര്, പ്രഭാകുമാരി, രമാ രാമചന്ദ്രന്, പൂജ.എസ് എന്നിവര് പ്രസംഗിച്ചു. തുടര്ന്ന് കുടുംബ സംഗമവും നടന്നു.
