പത്തനംതിട്ട : കോന്നി വനം ഡിവിഷനു കീഴില് പ്രവര്ത്തിക്കുന്ന നടവത്തുമൂഴി റെയിഞ്ചിലെ കരിപ്പാന്തോട് മോഡല് ഫോറസ്റ്റ് സ്റ്റേഷനുവേണ്ടി പുതിയതായി നിര്മ്മിച്ച സ്റ്റേഷന് കെട്ടിടത്തിന്റെയും ഡോര്മെറ്ററിയുടെയും ഉദ്ഘാടനം ഈ മാസം എട്ടിന് ഉച്ചകഴിഞ്ഞ് മൂന്നിന് കരിപ്പാന്തോട് ഫോറസ്റ്റ് സ്റ്റേഷന് അങ്കണത്തില് വനം വകുപ്പ് മന്ത്രി അഡ്വ. കെ. രാജു നിര്വഹിക്കും.
കെ.യു ജനീഷ്കുമാര് എം.എല്.എ അധ്യക്ഷത വഹിക്കുന്ന ചടങ്ങില് ആന്റോ ആന്റണി എം.പി മുഖ്യപ്രഭാഷണം നടത്തും. പ്രളയരക്ഷാ പ്രവര്ത്തനങ്ങളില് ഏര്പ്പെട്ട വനംവകുപ്പ് ഉദ്യോഗസ്ഥരെ ചടങ്ങില് ആദരിക്കും. ജില്ലാ പഞ്ചായത്ത് പ്രസിഡന്റ് അന്നപൂര്ണാദേവി, കോന്നി ബ്ലോക്ക് പഞ്ചായത്ത് പ്രസിഡന്റ് കോന്നിയൂര് പി.കെ, അരുവാപ്പുലം ഗ്രാമപഞ്ചായത്ത് പ്രസിഡന്റ് സുനില് വര്ഗീസ് ആന്റണി തുടങ്ങിയവര് പരിപാടിയില് പങ്കെടുക്കും.
