തിരുവനന്തപുരം: മാധ്യമങ്ങള്ക്കെതിരായി ജനകീയ കൂട്ടായ്മ സംഘടിപ്പിച്ച സി.പി.എം നിലപാടിനെ വിമര്ശിച്ച് വി. ഡി സതീശന് എം.എല്.എ. അസഹിഷ്ണുത കൊണ്ടും അസ്വസ്ഥതകൊണ്ടും സി.പി.എം ഊര്ദ്ധ ശ്വാസം വലിക്കുകയാണെന്നും വി. ഡി സതീശന് പരിഹസിച്ചു. ഫേസ്ബുക്കിലൂടെയായിരുന്നു വി. ഡി സതീശന്റെ പ്രതികരണം.
മാധ്യമങ്ങള്ക്കെതിരായി ഒരു സംസ്ഥാനം മുഴുവന് നില്പ്പു സമരം സംഘടിപ്പിച്ച ഇന്ത്യയിലെ ആദ്യത്തെ പാര്ട്ടിയാണെന്നും അദ്ദേഹം ചൂണ്ടിക്കാട്ടി.
പോസ്റ്റിന്റെ പൂര്ണരൂപം
ഇ.ഡി യെ കൈകാര്യം ചെയ്യും. മാധ്യമങ്ങളെ നിലക്ക് നിര്ത്തും. സി പി എം.
മാധ്യമങ്ങള്ക്കെതിരായി ഒരു സംസ്ഥാനം മുഴുവന് നില്പ്പു സമരം സംഘടിപ്പിച്ച ഇന്ത്യയിലെ ആദ്യത്തെ പാര്ട്ടി. അസഹിഷ്ണുത, അസ്വസ്ഥത, ഭീതി, ജീര്ണ്ണത തുടങ്ങിയ രോഗങ്ങള് കൊണ്ട് കേരളത്തിലെ സി പി എം ഊര്ദ്ധശ്വാസം വലിക്കുകയാണ്.
കഴിഞ്ഞ ദിവസമാണ് മാധ്യമങ്ങള്ക്കെതിരായി സി.പി.എം ജനകീയ കൂട്ടായ്മ സംഘടിപ്പിച്ചത്. സ്വര്ണക്കടത്ത് കേസ്, ബംഗളൂരു മയക്ക് മരുന്ന് കേസില് സി.പി.എം സംസ്ഥാന സെക്രട്ടറ കോടിയേരി ബാലകൃഷ്ണന്റെ മകനും നടനുമായ ബിനീഷ് കോടിയേരിയെ അറസ്റ്റു ചെയ്തതുമുള്പ്പെടെ സര്ക്കാര് പ്രതിരോധത്തിലായിരിക്കുന്നതിനിടെയാണ് മാധ്യമ നുണകള്ക്കെതിരെ ജനകീയ കൂട്ടായ്മ എന്ന പേരില് സി.പി.എം പരിപാടി സംഘടിപ്പിച്ചത്.
