തിരുവനന്തപുരം : കെ – റെയിലിനുവേണ്ടി പൊതുഗതാഗത സംവിധാനത്തെയും കെ.എസ്.ആര്.ടിസിയെയും തകര്ക്കുന്ന സമീപനമാണ് സര്ക്കാരിന്റെതെന്നും കെ.എസ്.ആര്.ടി.സിയാണ് ആവശ്യമെന്നും പ്രതിപക്ഷ നേതാവ് വി.ഡി സതീശന് പറഞ്ഞു. കേരള സ്റ്റേറ്റ് ട്രാന്സ്പോര്ട്ട് ഡ്രൈവേഴ്സ് യൂണിയന്റെ 42ാം സംസ്ഥാന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കെ – റെയിലിനുവേണ്ടി ചെലവാക്കുന്നത് ഒന്നേകാല് ലക്ഷം കോടി രൂപയാണ്. രണ്ടായിരം കോടി രൂപയുണ്ടെങ്കില് കെ.എസ്.ആര്.ടി.സിയെ ലാഭത്തിലാക്കാമെന്നും അദ്ദേഹം പറഞ്ഞു.
യൂണിയന് പ്രസിഡന്റ് വി.എസ് ശിവകുമാര് അദ്ധ്യക്ഷനായിരുന്നു. പ്രതിനിധി സമ്മേളനം മന്ത്രി ആന്റണി രാജു ഉദ്ഘാടനം ചെയ്തു. കെ.എസ്.ആര്.ടി.സി എം.ഡി ബിജു പ്രഭാകര് മുഖ്യപ്രഭാഷണം നടത്തി. ഒന്പതുവര്ഷം കഴിഞ്ഞ ഡ്രൈവര്മാരുടെ പ്രൊമോഷന് പ്രശ്നവും ശമ്പള സ്കെയിലില് വന്ന അപാകതയും പരിഹരിക്കുമെന്ന് അദ്ദേഹം പറഞ്ഞു. യൂണിയന് പ്രസിഡന്റായി വി.എസ് ശിവകുമാറിനെയും വര്ക്കിംഗ് പ്രസിഡന്റായി ആര്.അയ്യപ്പനെയും ജനറല് സെക്രട്ടറിയായി സോണിയയെയും തിരഞ്ഞടുത്തു.
