കണ്ണൂര് : ബിജെപിക്ക് ബദല് രൂപീകരിക്കാന് കെല്പ്പില്ലാത്ത പാര്ട്ടിയായി കോണ്ഗ്രസ് മാറിയെന്ന് സിപിഎം പോളിറ്റ്ബ്യൂറോ അംഗം എം.എ ബേബി.കോണ്ഗ്രസുമായി രാഷ്ട്രീയ മുന്നണിയോ, കൂട്ടുകെട്ടോ ഉണ്ടാക്കില്ല. ബിജെപിയെ പരാജയപ്പെടുത്തുന്നതില് പങ്ക് വഹിക്കാനുള്ള ശേഷി കോണ്ഗ്രസിന് കുറഞ്ഞെന്നും ബേബി പറഞ്ഞു. അധികാരത്തിനായി ബിജെപിയും കോണ്ഗ്രസും വര്ഗീയത വളര്ത്തുന്നു. വര്ഗീയതക്കെതിരായ നിലപാട് കോണ്ഗ്രസ് തീരുമാനിക്കണം. കോണ്ഗ്രസും രാഹുല് ഗാന്ധിയും വര്ഗീയതയോട് സന്ധിചെയ്യുന്നു. കേരളത്തില് മത്സരിച്ചത് രാഹുലിന്റെ മണ്ടത്തരമായിരുന്നു.
കെ – റെയില് കേരളത്തിലെ യാത്രാപ്രശ്നം തീര്ക്കാനാണ്. ബദല്നയങ്ങളും പദ്ധതികളും കേരളം നടപ്പാക്കുന്നുണ്ട്. കെ – റെയിലിനെതിരെ കേരളത്തില് അവിശുദ്ധ സഖ്യം പ്രവര്ത്തിക്കുന്നു. ഇരകളുടെ സദുദ്ദേശത്തോടെയുള്ള പരാതി കേള്ക്കും. ആശങ്കക്ക് പരിഹാരം ഉണ്ടാക്കും. ജനങ്ങളെ വിശ്വാസത്തിലെടുത്ത് പദ്ധതി നടപ്പാക്കും. പാര്ട്ടി കോണ്ഗ്രസില് ഇതിനെ പോസറ്റീവായികണ്ടുകൊണ്ടുള്ള ചര്ച്ച നടക്കുമെന്നും ബേബി കൂട്ടിച്ചേര്ത്തു.
