തിരുവനന്തപുരം : അഖിലേന്ത്യാതലത്തില് ഒരുമിച്ച് നില്ക്കുന്ന കോണ്ഗ്രസും സി.പി.എമ്മും തമ്മില് കേരളത്തില് നടക്കുന്നത് ചക്കളത്തിപ്പോരാണെന്ന് ബിജെപി സംസ്ഥാന അദ്ധ്യക്ഷന് കെ.സുരേന്ദ്രന്. വാളയാറിന് അപ്പുറം സി.പി.എമ്മിന്റെ നേതാവ് രാഹുല്ഗാന്ധിയാണ്. സിപിഎം ജനറല് സെക്രട്ടറി സീതാറാം യെച്ചൂരിയാണ് സോണിയാഗാന്ധിയുടെ ഉപദേഷ്ടാവ്. എന്നാല് കേരളത്തില് കോടിയേരിയും കെ.സുധാകരനും മലയാളികളെ കബളിപ്പിക്കുകയാണ്.
2024ലെ ലോക്സഭാ തിരഞ്ഞെടുപ്പിലും സി.പി.എമ്മും കോണ്ഗ്രസും ഒരു മുന്നണിയായി തന്നെയാവും മത്സരിക്കുകയെന്ന് ഉറപ്പാണ്. ഏത് അവിശുദ്ധ സഖ്യത്തിനെയും തോല്പ്പിക്കാന് ബി.ജെ.പി പ്രാപ്തമാണ്. നാല് സംസ്ഥാനങ്ങളിലെ തിരഞ്ഞെടുപ്പ് ഫലം തെളിയിക്കുന്നത് ജനങ്ങള് നരേന്ദ്രമോദിക്ക് ഒപ്പമാണെന്നാണ്. ജനങ്ങളുടെ കണ്ണില് പൊടിയിടുന്നത് നിറുത്തി കേരളത്തിലും ഒരുമിച്ച് മത്സരിക്കാന് കോണ്ഗ്രസും ഇടതുപക്ഷവും തയ്യാറാവണം.
