കൊച്ചി : സ്വര്ണ്ണക്കടത്ത് കേസ് പ്രതി സ്വപ്ന സുരേഷിന്റെ ആരോപണങ്ങളില് പ്രതി സ്ഥാനത്ത് നില്ക്കുന്ന പിണറായി വിജയന് മുഖ്യമന്ത്രി സ്ഥാനത്ത് നിന്ന് മാറിനില്ക്കണമെന്ന് പ്രതിപക്ഷ നേതാവ് വി ഡി സതീശന്. വിഷയത്തില് മുഴുവന് ദുരൂഹതയാണ്. മാധ്യമപ്രവര്ത്തകന് ഷാജ് കിരണ് പോലീസ് അയച്ച ഇടനിലക്കാരന് ആയിരുന്നോയെന്ന് സതീശന് ചോദിച്ചു.
ഇത്ര ആരോപണങ്ങള് വന്നിട്ടും കേന്ദ്ര ഏജന്സികള് മൗനത്തിലാണെന്നും ബിജെപിയുമായുള്ള ധാരണയാണ് ഇതിന് പിന്നിലെന്നും വി ഡി സതീശന് കുറ്റപ്പെടുത്തി. പിണറായി വിജയന് മുഖ്യമന്ത്രിസ്ഥാനത്തു നിന്ന് മാറി നില്ക്കണം. മുഖ്യമന്ത്രി പേടിക്കേണ്ട. മുന് മുഖ്യമന്ത്രി ഉമ്മന് ചാണ്ടിയെ സിപിഎം കല്ലെറിഞ്ഞപ്പോലെ പിണറായിയെ കോണ്ഗ്രസുകാര് കല്ലെറിയില്ലെന്നും വി ഡി സതീശന് പരിഹസിച്ചു.