തിരുവനന്തപുരം : ആര്എസ്പിയുമായുള്ള ഉഭയകക്ഷി ചര്ച്ച തുടരുമെന്ന് പ്രതിപക്ഷ നേതാവ് വി.ഡി.സതീശന്. ഗൗരവതരമായ ചില വിഷയങ്ങള് ആര്എസ്പി ഉന്നയിച്ചു. ഹ്രസ്വവും ദീര്ഘവുമായ പരിഹാരമാര്ഗങ്ങള് സ്വീകരിക്കും. ചവറ തിരഞ്ഞെടുപ്പ് ചര്ച്ച ചെയ്തില്ല.
മുന്നണിയിലെ സൗഹാര്ദാന്തരീക്ഷം ഉറപ്പാക്കുമെന്നും സതീശന് പറഞ്ഞു. എല്ലാ പ്രശ്നങ്ങളും ചര്ച്ച ചെയ്ത് പരിഹരിച്ചെന്ന് കെപിസിസി പ്രസിഡന്റ് കെ.സുധാകരന് പറഞ്ഞു. കോണ്ഗ്രസുമായി നടന്ന ചര്ച്ചയില് സംതൃപ്തരാണ്. ഒന്നിച്ച് മുന്നോട്ടുപോകുമെന്നും ആര്എസ്പി സംസ്ഥാനസെക്രട്ടറി എ.എ.അസീസ് വ്യക്തമാക്കി.