കൊച്ചി: കണ്ണൂരിലെ യൂത്ത് കോണ്ഗ്രസ് മാര്ച്ചിനെതിരായ പോലീസ് നടപടിക്കെതിരേ രൂക്ഷ വിമര്ശനവുമായി പ്രതിപക്ഷ നേതാവ് വി.ഡി.സതീശന് വ്യക്തമാക്കി. കേരളത്തിന്റെ ചരിത്രത്തില് ഇതുവരെ കണ്ടിട്ടില്ലാത്ത തരത്തിലുള്ള ക്രൂരതയാണ് പോലീസിന്റെ ഭാഗത്തുനിന്ന് ഉണ്ടായതെന്ന് സതീശന് രൂക്ഷമായി വിമര്ശിച്ചു. ദുര്യോധനന്റെ രാജസദസില് ഉണ്ടായതാണ് കണ്ണൂരിലെ തെരുവില് നടന്നത്. വനിതാപ്രവര്ത്തകരെ ചവിട്ടി നിലത്തുവീഴ്ത്തി പോലീസ് ലാത്തികൊണ്ടുകുത്തി. വനിതാപ്രവര്ത്തകയുടെ മുടിയില് പോലീസ് ബൂട്ടിട്ട് ചവിട്ടിപ്പിടിച്ചു.
യൂത്ത് കോണ്ഗ്രസ് നേതാവിന്റെ കണ്ണില് പോലീസ് ലാത്തി കൊണ്ട് കുത്തിയെന്നും സതീശന് ആരോപിക്കുന്നു. യൂത്ത് കോണ്ഗ്രസുകാരെ ആക്രമിച്ചപ്പോള് അത് മാതൃകാപരമാണെന്ന് പറഞ്ഞ മുഖ്യമന്ത്രിയുടെ ആഹ്വാനം കേട്ടാണ് പോലീസുകാരും ക്രിമിനലുകളും രാജാവിനേക്കാള് വലിയ രാജഭക്തി കാണിക്കുന്നത്. ഇതിനെ രാഷ്ട്രീയമായും നിയമപരമായും നേരിടുമെന്നും സതീശന് വ്യക്തമാക്കി.
