റാന്നി: വെച്ചൂച്ചിറ ഗ്രാമ പഞ്ചായത്തിന്റെ നേതൃത്വത്തിൽ സ്വാതന്ത്ര്യ ദിനാഘോഷം സംഘടിപ്പിച്ചു. വെച്ചൂച്ചിറയിലെ വിവിധ വിദ്യാലയങ്ങളിലെ കുട്ടികളും അധ്യാപകരും രക്ഷിതാക്കളും കുടുംബ ശ്രീ, ഹരിത കർമ സേനാംഗങ്ങൾ തുടങ്ങിയവർ പങ്കെടുത്ത വർണ്ണ ശമ്പളമായ സ്വാതന്ത്ര്യ ദിന റാലി വെച്ചുച്ചിറ കവലയിൽ നിന്നും ആരംഭിച്ചു ബസ് സ്റ്റാൻഡിൽ സമാപിച്ചു. ഗ്രാമ പഞ്ചായത്ത് പ്രസിഡന്റ് ടി കെ ജെയിംസ് സ്വാതന്ത്ര്യ ദിനാഘോഷ പരിപാടികൾ ഉദ്ഘാടനം ചെയ്തു. വിദ്യാഭ്യാസ ആരോഗ്യ സ്ഥിരം സമിതി അധ്യക്ഷ എസ് രമാദേവി അധ്യക്ഷത വഹിച്ചു.
ഗ്രാമ പഞ്ചായത്ത് അംഗങ്ങളായ ഇ വി വർക്കി, രാജി വിജയകുമാർ, പൊന്നമ്മ ചാക്കോ, എം ജെ ജിനു, എലിസബേത്ത് തോമസ് , റെസി ജോഷി,പി എച്ച് നഹാസ്, ജോയി ജോസഫ്,എസ് പ്രസന്ന കുമാരി,ടി കെ രാജൻ, ഷാജി കൈപ്പുഴ, സജി കൊട്ടാരം, റവ. സോജി വർഗീസ് ജോൺ, റോബിൻ അലക്സ്, സാബു പുല്ലാട്ട് എന്നിവർ പ്രസംഗിച്ചു. എം.ടി.വി.എച്ച്.എസ് കുന്നം, സി എം എസ് എൽ പി സ്കൂൾ എണ്ണൂറാംവയൽ, സെന്റ് തോമസ് എച്ച് എസ്, ഗവൺമെന്റ് ഹയർ സെക്കണ്ടറി സ്കൂൾ കോളനി, ഗവ. എല്.പി.എസ് വാറ്റുകുന്ന് എന്നീ വിദ്യാലയങ്ങളിൽ നിന്നുള്ള കുട്ടികൾ സ്വാതന്ത്ര്യ ദിന റാലിയിൽ പങ്കെടുത്തു. ബസ് സ്റ്റാൻഡിൽ കുട്ടികളുടെ മാസ് ഡിസ്പ്ലേയും കലാ പരിപാടികളും നടന്നു.